مشاهدة النسخة كاملة : من اشعار الحقيبه


الصفحات : [1] 2 3

مصعب حسين
12-25-2009, 09:29 PM
من رواد شعر الحقيبه والذين كان لهم الدور الكبير في وضع اللبنة الاولي في تأسيس الاغنيه السودانيه بجمالها والقها المألوف بنكهة سودانيه خالصه ممزوجه بريحة التراب والدعاش السوداني الاصيل بوطنيته وسيادته واكراما لهؤلاء الكوكبه التي قدمت الكثير كان لزاماً علينا ان نبحث وندون لهم ما قدموه من روائع وجمال وان يكون لهم مساحة في منتدانا العامر بكل ما هو جميل ونسأل الله ان يوفقنا بجمع اكبر عدد من ما كتبوه من قصائد لتعم الفائده ..

مصعب حسين
12-25-2009, 09:41 PM
ونذكر من هولاء العمالقه :
خليل فرح
ابراهيم العبادي
سيد عبدالعزيز
عبيد عبدالرحمن
عمر البنا
احمد العمرابي
علي المساح
محمد بشير عتيق
محمد علي عبدالله (الامي)
احمد حدباي
محمد ود الرضي
وغيرهم من العمالقه

مصعب حسين
12-25-2009, 09:57 PM
في الضواحي
للشاعر المبدع خليل فرح

في الضواحى وطرف المداين

يلا ننظر شفق الصباح

قوموا خلو الضيق في الجناين

شوفوا عز الصيد في العساين

يله نقنص نطرد نعاين

النهار أن حر الكماين

كلبي يا جمجوم أصله خاين

شوفوا كيفن يبرأ الملاين

هب شال وكشح المراح

للقنيص الخيل خف راسن

نحن ما بنخاف من مراسن

المكارم غرقنا ساسن والمجاهل

***************************
عزة في هواك

عزة في هواك عزة نحن الجبال

وللبخوض صفاك عزة نحن النبال

عزة ما بنوم الليل محال

وبحسب النجوم فوق الرحال

خلقه الزاد كمل وأنا حالي حال

متين أعود أشوف ظبياتنا الكحال

عزة ما سليت وطن الجمال

ولا ابتغيت بديل غير الكمال

وقلبي لي سواك ما شفتو مال

خذيني باليمين وأنا راقد شمال

عزة ما نسيت جنة بلال

وملعب الشباب تحت الظلال

ونحن كالزهور فوق التلال

نتشابي للنجوم وأنا ضافر الهلال

عزة جسمي صار زي الخلال

وحظي في الركاب صابه الكلال

وقلبي لسه ما عرف الملال

أظنه ود قبيل وكريم الخلال

عزة ما اشتهيت نوم الحجال

ولا السوار بكي في يمينا جال

وعزة في الفريق لي ضيق مجال

قبيلة بت قبيل ملأ الكون رجال

عزة شفت كيف نهض العيال

جددوا القديم تركوا الخيال

روحك أم سماح سري كالسيال

شجو الفؤاد حيوا محسور الليال

عزة في الفؤاد سحرك حلال

ونار هواك شفا وتيهك دلال

ودمعي في هواك حلو كالزلال

تزيدي كل يوم عظمة ازداد جلال

عزة في حذا الخرطوم قبال

وعزة من جنان شمبات حبال

وعزة لي ربوع أم در جبال

وعزة في الفؤاد دوا يشفى الوبال


مين غيرنا ساسن

ان عطشنا نمز مر وآسن

وأن عشقنا بنعشق محاسن

فى المحاسن كفي يومنا راح

في الخميلة انجلت المحاسن

عيني حايرة ومشي قلبي جاسن

بعض حسنك هي يا محاسن

الحرير حين قدميك داسن

والزهور حين شفتيك باسن

والغصون من لدنك مياسن

والنسيم فاح بكر الملاح

يا الطبيعه الواديك ساكن

ما في مثلك قط في الأماكن

يا جمال النال في ثراكن

ياحلاة البرعن أراكن

في قفاهن تور قرنه ماكن

لا غشن لا شافن مساكن

في الخزام والشيخ والبراح

شوف صباح الوادي وجماله

وشوف خضاره وصيده ورماله

شوف يمينه وعاين شماله

شوف نسيم الليل صاحي ماله

شوف فريع الشاو مين أماله

القمر خجلان من كماله

والصباح لا بهل الوشاح

يا أم لسانا لسع معجن

كلمة كلمة وحروفه ضجن

ديل خدودك غير داعي وجن

ديل عيونك من غير سبه لجن

ديل دموعك من نظرة شجن

ده دلال ايه ده دلال معجن

محن الامات يا رداح

ماك نسيم الليل بي برودك

نامت الازهار فوق خدودك

غرد العصفور فوق عودك

النفوس ما اتعدت حدودك

ما عرفنا عدوك من ودودك

بس أنا المقسوم لي صدودك

يا حياتي وأملي اللي راح

مصعب حسين
12-25-2009, 10:20 PM
الشاعرسيد عبدالعزيز
يا أنة المجروح

يالروح حياتك روح

الحب فيك يا جميل

معنى الجمال مشروح

للحب زناد فى الجوف زى الزناد مقدوح

منه الجبابرة تلين لصوت بلابل الدوح

وتصاحب النسمات تفضل معاها تروح

بين نغمة الأشواق ومحاسن الممدوح

الناس تحب رؤياك بالخاطر المشروح

يا ملفت الأنظار يابسمة المفروح

وانا أهدىليك الحب حب من فؤاد مجرود

حب الشحيح للمال حب الجبان للروح


سورية فى السودان بحبى ليكى أبوح

عنب جناين الشام أتمنى منه صبوح

وانشد فؤادى الضال بين الرياض مذبوح

وأرى الهلال فى ظلال تلك الخميلة يلوح

أنا لو ضمنت رضاك اكون سعيد ممنوح

يا من تسر رؤياك تفرح وتنسى النوح

تكسى النهار بجمال خديك جمال ووضوح

منه الغزالة تقيف فى موقف المفضوح

من الوله للقاك دمعى الغزير مسفوح

*******************************
قائد الاسطول

يا قائد الأسطول تخضع لك الفرسان

ياذو الفخار والطول أرحم بنى الإنسان

مين لسماك يطول ما يطولك اللمسان

معناك شرحه يطول والله يا إنسان

أصدق كفانا مطول ياذو الحسن إحسان

أنا عقلى بيك مختول والناس عقول ولسان

ما بنكر المعقول آمنت بالأيمان

بالطلسم المصقول بدل لخوفى أمان

بالنور سحرت عقول كانت صميمة زمان

يا من تحق القول قتل النفوس حرمان

وما الجندى والمكتول و طالب الغفران

من أيده راح منتول واتوهد النيران

فاقد الصواب مبتول مما رأى حيران

أصبح زهر مشتول وفاح ملا الجيران

يا علة المعلول كم أومى ليك بنان

كم من أٍسير مغلول ما لاقى فى لحظة حنان

يرى وعدك المحلول زى حجة الوسنان

والكان سكونه تلول ما ببدلهم بجنان

يا حبيبي كون ممهول وليكون ماكان

الفى غد مجهول والماضى أسمه الكان

نفديك شباب وكهول ونبقى ليك أركان

فى حبك المأهول ونخدم السكان

يالفى سماك مفصول تنشاف عيان وبيان

ما عرفنا ليك وصول وما دنيت أحيان

إنت الخطاك أصول يعلم الديان

مثلت فينا فصول ما بدرسها النسيان

ناقم على الأيام مع أنه طبعى صفوح

انا والخيال فى جدال وانت بنداك منفوح

كل ما النسيم يغشاك زى الحديقة تفوح

رايق كحيل نعسان انسان رقيق وجموح

ساحر العيون بجمال فى سواك ما مملوح

ان كان تميس بنميس ان كان تموج بنموج

عدل الطبية جعل جور الحبيب مسموح

مصعب حسين
12-26-2009, 03:19 PM
من حور الجنان

من حور الجنان أم أنت إنسان الكمال

هل أنت الملاك جيت تورى الناس الجمال

سبحان من نشاك حسنه وفى غاية الكمال

يهواك الجنوب وإليك ينقاد الشمال

وما أظن يحصوا حسنك لو يحصوا عدد الرمال

بى إيه يقدروك يا ملك ملوك عصر الجمال

سلطان بهجتك محروس بجيوش الجلال

ويغار من صفا حسنك صفا ماء الزلال

فى مراية خدودك أشوف تأكيد سحر الحلال

وأشوف فى سما حسنك كل يوم يسطع هلال

صفا ماء الجمال فى مجال جمالك راق وجال

زى ماء الحياء فى عيون ربات الحجال

ما فعل السلاح تفعل عيناك النجال

مكسور الطريف كسر قلوب الرجال

يا خلاصة المعانى الصار معناك موضع مثال

فوق المحسنات حايز لطف وكرم خصال

آلهة الجمال اعترفوا ليك ما ليك مثال

وتتمنى البدور تقبيل يداك بى امتثال

يا طايل الوريد يا أهيف يا اللى خصمه زال

فيك منظر يحنن وفيك منظر فارس النزال

ليك من الغزالة جبين وقاد وعيون غزال

الحور من مناصبها لى قدرك تكتب نزال

يا الغصن الرطيب عاجبنى فيك الإنهدال

اللادن قوامك من ملبن وذو اعتدال

جوهر حسنك الصافى وسيرك طاهرات عدال

آيات بينات ما فيهن للكافر جدال

شاركت الغمام والموج مناظر وارتحال

شاركت الظباء فى نفرتن والإكتحال

شاركت القلوب فى موضعن وعلى كل حال

نفداك بالنفوس وفداء النفوس كان المحال

مصعب حسين
12-26-2009, 03:32 PM
بإسم الحب

بـإسـم الـحـب أقــدم لـيك حـياتى

حـيـاتى ومـعـاها الـعـطف الـجزيل

بـإسـم الـحـب أقــدم لـيك حـياتى

عـليك يا حب تحياتى عليك أوقفت غاياتى

لـحبى أضـحى بحياتى أحب الحب وأيامه

وذكـرياته وأحـلامه ومـا يوحيه إلهامه

حـياة الـحب أسميها السعادة بكل معانيها

أقـيم ليلاى أغنيها روح يا لليل تعال يا ليل

أحـب فـى كل أوقاتى ألاقى حبيبى يوماتى

أقـول ليه ويقول لى العهود بيناتنا مرعية

أقـول لـيه تـعال لى نجلس جلسة غزلية

أمـتع فـيك عـيني أشوفك وأنسى ألامي

وأقول حققت أحلامي على تميل وعليك أميل

فـيك أمـعنت نظراتى وجدتك كل مسراتى

وأفـراحي وملذاتي أحبك وأنسى فيك ذاتي

حبيبي أراعى تقديسك ويرتاح قلبي لحديثك

حديثك يشفى العليل والله يا السامي الجليل

الـحب الـصادق قـليل البشبه حبي النبيل

فـبـدون جـمـيل أهــوى الـجـميل

قف تامل
12-28-2009, 07:03 PM
يسلموووووووووووووووووووووووووووووا

ومنتظرين علي المساح ذلك الشاعر الذي ابدع في القافية وهو لا يتعدي تعليمة الخلوة فقط اي نعم الخلوة

لكنه كتب اعظم ما كتب في الوصف له لونية خاصة لايجار يه فيها احد وشكل ثنائي مع الكاشف وابدع الكاشف في الحان قصائد المساح .

يديك العافية

مصعب حسين
12-28-2009, 09:49 PM
اقتباس : المشاركة الأصلية كتبت بواسطة قف تامل [ مشاهدة المشاركة ] (http://www.alhajyosefonline.com/vb/showthread.php?p=27998#post27998) يسلموووووووووووووووووووووووووووووا

ومنتظرين علي المساح ذلك الشاعر الذي ابدع في القافية وهو لا يتعدي تعليمة الخلوة فقط اي نعم الخلوة

لكنه كتب اعظم ما كتب في الوصف له لونية خاصة لايجار يه فيها احد وشكل ثنائي مع الكاشف وابدع الكاشف في الحان قصائد المساح .

يديك العافية


قف تأمل ..!
وقفت عند ردودك كثيراً فتحسست طيبة الجزيره الخضراء ولاحت لي قبة السني وكفر الاهلي وجزيرة الفيل وارهف اذني وتر ودالامين ياااااااااااااااااااه مدني الجمال .
مرورك اسعدني وقريباً ستقرأ لكل العمالقه المساح وغيره ان شاء الله

مصعب حسين
12-29-2009, 11:39 PM
اقيس محاسنك بمن
اقـيـس مـحاسنك بـمن يـالدرة الـماليك تـمن

والله نــــور عـيـنـي ونـــور الــزمـن

مـاشفنا فـي طـول الزمن سواك بدري داخل كمن

الانــوار يـتزاحمن فـي خـدودك اخـدن امـان

ومـن فـاهك يـتقسمن بـروق في بروق يتبسمن

دي الـدنيا ام جـنة عـدن شـفنا ملاك لابس بدن

انـسان لـكن مـفردا حـاز الـنور حـاز الـلدن

غـصنه مـهفهف ام لدن هيبه اسد في عيون شدن

يـاالجبرة الـمازجة الـعجن جبينك زي فلق الدجن

جـسمك بـالطيب انـعجن اذا الـنسمات بيك عرجن

طـبـاق الـجـو يـتـأرجن والانـفـس يـتهيجن

رنـت نـرجس مـن الـوسن بعيونه الايمن جسن

ران ايـه الـحسن الاسن غصون الروض يتمايسن

فـي ذاك الـذي الـحسن وكـله حسن مالك حسن

عروض زي عارضيك صفن حلال سحرك ماسحر فن

كـواكب الـنور الـبلفحن بـي صـفاتك مااتوصفن

بـدور الـكون لو ينصفن يسجدن ليك مايكون وقفن

فـيك عـيون الرائين يرن محاسنك بالحسن ازدرن

مـهـما افـكاري يـكبرن ذي حـسنك مـايعبرن

مـع الـبدرين سيرك سرن ومن وزنك هن يقصرن

*********************************

حور الجنان

مـن حـور الـجنان أم أنـت إنسان الكمال

هـل أنـت الملاك جيت تورى الناس الجمال

سـبحان مـن نشاك حسنه وفى غاية الكمال

يـهـواك الـجنوب وإلـيك يـنقاد الـشمال

وما أظن يحصوا حسنك لو يحصوا عدد الرمال

بـى إيه يقدروك يا ملك ملوك عصر الجمال

سـلطان بـهجتك مـحروس بجيوش الجلال

ويـغار مـن صـفا حسنك صفا ماء الزلال

فـى مراية خدودك أشوف تأكيد سحر الحلال

وأشـوف فى سما حسنك كل يوم يسطع هلال

صفا ماء الجمال فى مجال جمالك راق وجال

زى مـاء الـحياء فـى عيون ربات الحجال

مـا فـعل الـسلاح تـفعل عـيناك الـنجال

مـكسور الـطريف كـسر قـلوب الـرجال

يا خلاصة المعانى الصار معناك موضع مثال

فـوق الـمحسنات حـايز لطف وكرم خصال

آلـهة الـجمال اعـترفوا لـيك ما ليك مثال

وتـتمنى الـبدور تـقبيل يـداك بـى امتثال

يـا طايل الوريد يا أهيف يا اللى خصمه زال

فـيك مـنظر يحنن وفيك منظر فارس النزال

لـيك مـن الغزالة جبين وقاد وعيون غزال

الـحور مـن مـناصبها لى قدرك تكتب نزال

يـا الـغصن الـرطيب عاجبنى فيك الإنهدال

الـلادن قـوامك مـن مـلبن وذو اعـتدال

جـوهر حسنك الصافى وسيرك طاهرات عدال

آيــات بـينات مـا فـيهن لـلكافر جـدال

شـاركت الـغمام والـموج مـناظر وارتحال

شـاركت الـظباء فـى نـفرتن والإكـتحال

شـاركت القلوب فى موضعن وعلى كل حال

نـفداك بـالنفوس وفداء النفوس كان المحال

مصعب حسين
12-29-2009, 11:53 PM
ما زلنا من المبدع سيد عبدالعزيز
مداعب الغصن الرطيب

يـامداعب الـغصن الـرطيب ببنانك

إزدهت الغصون

زادت جـــمــال ونـــضــار وطــيــب

يـالمنظرك لـلعين يـطيب وتـبدل الـظلمات بـنور

وتـبدل الاحـزان سـرور لـو شافك المرضان يطيب

يـعجبني والـشئ الـعجيب هادي وأليف ماك النفور

بـي عـفتك صـنت السفور الحشمة والاصل النجيب

أنـا وإنت في الروض ياحبيب راق النسيم حلي للمرور

بـقي احـلي من ساعة السرور وأدق من فهم اللبيب

في الروض كان منظر خصيب حضونها واتلاقي النهور

دي ثـريا فيها انواع زهور من كل لون اخذت نصيب

يـانع ثـماره ونـصه طـيب يـبه ربات الخدور

والـبلبل الـغريد يـدور عـلي منبر الاغصان خطيب

فـي الـروض غـني الـعندليب ردت اغانيه الطيور

إتـلاشى الـحان الـحبور فـتيات فـي عيد الصليب

انـت الـثريا دنـت قـريب بين السلوك في تاني دور

فـي ثـانية كم سطعت بدور أملت في النوعين قريب

شئ ينعش الروح في الأديب ويحي روح ميت الشعور

لـلـقاه تـنفتح الـصدور ويـفرح الـقلب الـكئيب

مصعب حسين
01-07-2010, 05:26 PM
الشاعرعبيد عبد الرحمن

من محاسن حسنه المحاسن

من محاسن حسنه المحاسن
وفى جبينه النور والجمال

مالى والغزلان فى تلالن
ايه ينيل قناص غير علالن
كيف أطيق وأتحمل ملالن
يعشق الغانيات فى ظلالن
بعشق التايهات فى دلالن
بعشق الهيباتن جلالن
بعشق الأخلاق والكمال

هن كما الأفلاك فى سماهن
فى بروج البدرين حماهن
مافى خاين طالن رماهن
دارت الأيام هن كما ياهن
مترفات ناعمات بانتماهن
هن خزائن الدار بين لماهن
المسك والراح والزلال

شوف جمال الحى نورو باين
بعشق الأزهار فى الجناين
بعشق الرمان غصنو لاين
بهوى زولا ما زانه زاين
بهوى طبعو اللى عرضو صاين
بهوى حسنه وخايف أعاين
أنسحر بى سحرو الحلال

بين خدودن وبين انفصادن
يجرى بحر السيف يروى صادن
شوف عيونو الأكباد حصادن
والبطير ما طار من مصادن
ناعسات كاحلات صابنى صادن
كيف أطيق الموقف قصادن
ما بطيق رميات النبال

يا زهى الأزهار حين لباسن
والغصون من لونك مياسن
هاك عقودى الناظم قياسن
من درارى وغاص فكرى كاسن
مبكرات أشعار فى جناسن
فى وريدك خايل لباسن
زى نجوم الليل للهلال

ما سليت إن نهت النواهى
فى هواك أو دهت الدواهى
برضى بفخر بيك وبباهى
ليلى هاك أفكارى السواهى
تحكى ليك آمالى الزواهى
ليلى آه أنا جسمى واهى
ما بطيق للهجر احتمال

مصعب حسين
01-12-2010, 02:52 PM
ضاع صبري اين ياوصـلي ..

قلبــي بنارالغرام مصـلي

ياعـهود امالي أنفصــــــلي ..

مابقيـف من النـويح أصلي

عقلي يوت كل ساعة ينقص لي ..

فيك ضاع ياطـيبة الأصلي

أيه ده ليل والبدر واضـح لي ..

ام ده دعسـك محيو فاضــح لي

يالعيون عاد روقـي وحـلي ..

خفي رمشك ده المجـرح لي

زاد من نار الصدود وجلي ..

يامعاني الشـعر والزجــــــــلي

باهي جيدك والخــديد مجلي ..

ترى ده الهـلاك في الأعين النجـلي

ليك نسايم الشوق دوام رسلي ..

في هواك كم ضايع مثــلي

ماسليتك وأنت كيــف تسلي ..

وأنا صرت ميت وميت والدموع غسلي

مالي ياليل الهم تجمع لي ..

ديمـه يا نيراني تشــتعـلي

يابدر بالله أســطعـلي ..

وياسـهيل أرجـوك تسمعلي

ترمي محييك في الكـــفل تعلي ..

تفني قامتك بالصـدير تعـلي

ياحمام بالله أسـجع لي ..

ماله ضـــايع في الخيال فعلي

مصعب حسين
02-06-2010, 08:27 PM
لشاعر عمر البنا

الليل الهاجــع

في الليل الهاجع غرد ياساجع
اذكر احبابي وهيج اشجاني
أرجوك يابلبل حين تقفل راجع
غرد وأذكر نوم عيني الناجع
وهجراني الطال وبكاي وحناني
وأشواقي الزدات تحتاج لمراجع
عسي يرحم حبي لي عقله يراجع
وبي عين الرحمة والرضا يرعاني
تايه في نعيمك والخير الهامع
لك راحة الدنيا والخد اللامع
منظرجذاب بي حسنة سباني
أنانايح ودايما للنقيضين جامع
من قلبي النار ومن طرفي مدامع
الحب غلاب بالموت أنباني
الحور لي حسنك متزلل وخاضع
والبدر لنورك ياجميل متواضع
غصنك فضاح للآس والباني
يشبهك البدر كأنه معاك راضع
سبحان من أنشاك لمأواك واضع
فوق كل الانجم لمجدك باني
مضروب لحظاتك غير شك ما نافع
لي عازلك وعاطفك سهمك مارافع
جبار مهاب تسبي الفرسان
يهواك الناسك والكاهل واليافع
قلبه وفي الحال يسلي الأوثان
ما يخشي عزول في هواك يرافع
ومايخشي رماح وسيوف ومدافع
بس بيخشي جفاك يانور إنساني
ونحول اعضاي عن حالي يدافع
ياسكينة قلبي وصحاي ووساني
ياظبئ الانس لك سعدك تابع
بين روض الجنة والنيل النابع
ما بين ظلال في نعيمك هاني
ما تجاسر طيار لسماك الرابع
حتي يعشم في طلوع السابع
دم بين علاك في سرور تهاني

****************************

هجد الانام

هجد الانام وأنا وحدي مساهر
والنحول علي جسمي ياحبايب ظاهر
أسبابي الحب الطاهر
أسباب سقامي وبكاء طرفي الساهر
لأذاي بعادك مضي سيفه وشاهر
مره أندب حظي ومره أهتف أظاهر
أشكو دهري وأناجي النجم الزاهر
إنت عادل وظالم إنت ناهي وآمر
يتمني البدر ليك يبقي مسامر
كونك دواما في نوراليه مخامر
إمتيازك عنه إنت هادل وضامر
بالبان والاسي مال قوامك ظافر
علي صدرك قنبل كم أسلم كافر
العيون والضمره والوريد الوافر
من محاسنك غارن الغزال النافر
كل ما أكتم حبك دمعي بيه يجاهر
مابفيدني طبيب مهما يكون ماهر
طبي مابين كوثر فاك وبين جواه
سنك اللماعه والخديد الزاهر
عار صفاه التبري من صفاك الناضر
ياخلاصة الحسن في العصر الحاضر
الملوك ليك تخضع لنداك تقول حاضر
تخشي سطوة حسنك وفيك يتلو محاضر
بي وصالك جاحد وبي جفاك مبادر
كاليزيد في الجبره وفي بخاله مادر
بجمالك وحسنك يالفي عصرك نادر
لي أرحم حلمك راعي لاتكون غادر

*******************************

أنا صادق في حبك

أنا صادق في حبك لو قلبي
يتصل بي قلبك .. هذا مقصودي
أنا أقصد ودك وأنت تحرمني
النظر في خدك .... لأذاي
ديمة باذل جهدك مع علمك بهواك
منذ أيام مهدك ... انت مريودي
أمتى تنجز وعدك وعني يذهب نحسي
ولي يطلع سعدك ... يا حبيب غثني
ما بطيق نار بعدك وأنت عارفني
ما بعيش من بعدك ... انتهى وجودي
الشباب في عصرك جملة معترفين
لجمالك وحسنك .. يا مهدّل يا مفدّل
يا المهفهف خصرك الكواكب والحور
قاصرين عن قدرك .. كيف أنا هجودي
أمتى يفرج سجنك وأشوف صورتي
في مراية وجنك ... تنجلي عيوني
بي تغزُل حسنك أكوي عزالي
بالتقرب منك وفيك أرى سعودي
قال لي لازم .. صبرك من وصالي قريب
الدخول في قبرك من زمن يا عشوق
لي قاهر أمرك والعفاف يمنع قلبي
ليك يتحرك .. والجفا شهودي
قلت له بحق .. ربك أسلي كل أهلي
لو حظيت بي قربك حظي لو ساعد
ثانية بس أظفر بك بعد ذلك أموت
ما في شك بفخر بك أنت مريودي

مصعب حسين
02-18-2010, 09:34 PM
طول الليل أنا ساهر

وانت هاجرني حبيبي وين ماظاهر
مرة زاورني شوف تحولي الظاهر
شوف طرفي يناجي النجم الزاهر
لاتخف وحياتك بهواك مابجاهر
كن واثق حبي لحسنك طاهر
النسيم جاني بي طيبك زاير
قالت ليه فكري قد أصبح حاير
ما يروق غير ما أنظر محبوبي الناير
أنا لي حبيب ما بين جزاير
نايم مرتاح وحافاه وزاير
وأنا ديمة أنوح ونوم عيني طاير
صابر علي ظلم الزمان الجاير
يا العاجبك حسنك وللعشق ما فاكر
تزداد في صدودك وبي شوفتك ماكر
لو جاني خيالك أنا أصبح ناكر
لاني بحاسب من كلمة باكر
لي جيل عمرك انت ناهي وآمر
في هواك يا مدلل بحياتي أغامر
علي أريج وصلك ولحسنك أسامر
ويضيع نحسي بلقاك ياضامر

مصعب حسين
02-18-2010, 09:54 PM
نعيم الدنيا
يانعيم الدينا كيف الحياه غير ليمك
من بعدك اصبح حظي زي لونك هضليمك
ياحليف الخدري التايه في نعيمك
مادام هاجرني ارسل لي نسيمك
وانعش لي روحي بندي جسيمك
اوطيب المسك الفايح من تبسيمك
ياماني حياتي البيك نور اقليمك
يتمني البدري يلمع كاديمك
مشتاقه الشمس تظفر بي ليمك
تاخذ من نورك تلثم في قديمك
يافرع البانه المايل في خميلك
من قامة حبي متعلم ميلك
يابدر التم الما بتم تكميلك
لو ماتجعلني محبوبي زميلك
سيوف الهند من لحظات عينك ليه
بيها تصيبني ايه بيني وبينك
غير كوني بحبك وحيات خدينك
كف عني صدودك ياحبيبي ودينك
ليك الحق في صدودك وتيهك وتدليللك
وليك حق تهجرني ويكتر تعليلك
مادام حسنك فردي وعلي في جيلك
تمتاز بالعفه المانعاني اجيلك
مع هجرك وصدك مازلت اريدك
ومنام عيني بين حذوذ جيدك
تيه بين نعيمك مولاي يزيدك
ضيعت حياتي تسلم لي ايدك

*******************

نسايم الليل
نسايم الليل زيديني
بالشذى والطيب عوديني
زاد الشوق لي يهون
امتى وصاله
يا نسايم الليل آنسيني
في رجوعك لا تنسيني
بي طيب الحب آسيني
من بعد الضر ماسيني
أنا برضي عشوق
مهما جيوش الحب صالوا
يا نسايم ما بترعيني
ما بفيدني شذاك دعيني
لو قصدك لي تعيني
ارجعي بي دمعة عيني
للمعشوق قوليلي
ينوح ونومو عصالو
في الهوى يزداد تمكيني
يا بلابل الدوح حاكيني
في نواحي دوام شاركيني
في الحب أبكيك وابكيني
وريهو ده شوق واحكيلو
دموع جفني السالو
طيفك لامتي يجيني
وفي لذيذ النوم يناجيني
ومن سهم البين ينجيني
ويبرد نار سجيني
وفؤادي يروق واناجي
ملاك طيبة خصاله
سلامي بعد تجنيني
عليك وليالي سنيني
بعد شعري وتفنيني
في وصفك وعد حنيني
يغشاك مرفوق
مع النسام وروحي خلاله

****************


يا حبيبي جفيت
يا حبيبي جفيت وبي وصالي
وودادي نفيت مالك
حارق فؤادي ما لقيت
وبي نظرة منك واكتفيت
مالك يا حبيبي لو كان وفيت
وبي طيف خيالك واختفيت
يا المن دلالك ما فضيت
وتعذيبي في حبك رضيت
سجلت نفسي وليك مضيت
ومملوكك أحكم ما قضيت
من نار هواك بيك التجيت
ومنك التعطف ارتجيت
لو في الخيال لي مرة جيت
كان ضاع وفي الحال نجيت
يا درتي الليك انتقيت
وغيرك بديل انا ما لقيت
بيك كم تعبت وكم شقيت
ويا ليلى انا قيس قيس بقيت
فوق الكواكب حق عليت
غاب البدر وانت انجليت
مهما عظم خطبي وبليت
في حبك اذداد ما سليت
يا البي صدودك لي فنيت
وايه النظر لو اغتنيت
انا فيك كم آمال بنيت
وهاجرني ما ذنبي الجنيت

مصعب حسين
02-20-2010, 01:19 PM
الأهيف

الأهيف ابا ما يلين من بعده
صار قلبي ضريم بى نار الفرقه
لمتين يا كريم الحظ يخدمنى وحبيبى يلين
اراه الناعس در فاطرو كريم
يألفنى ويترك لطباع الريم
هو جسمو سليم وانا جسمى معذب وقليبى كليم
نور محيو الفجر والليل هضليم
له راحة الدنيا وليا التأليم
لو مره نسيم يتمايل غصنك منه مقيسيم
قبل الحاظك ما رأيت يا وسيم
الأعين تفعل فعل المكسيم
براق الغيم زى بسمك وليك الشادى نغيم
كيف عاشقك يثبت فى وطنه يقيم
انت نافر وعارفه بهواك سقيم
ماليا نديم غير نجم الليل ومنامى عديم
لو كان يا مدلل لى هجرى تديم
اتعذب وتمنع حظى التقديم
لى جود بالليم انا من بعدك صار قلبي أليم
متى تعطف وتبقى حليم
يا صفى القلب وروح التعليم
بقى شغلى نميم وفراشى قتاد وغطاى حميم
لو كان لى وصلك اوجد تتميم
لى سرك بحفظ فى قلبى صميم .

*********************

زهرة الروض

زهر الروضـة نوّر في فصـل الربيع
والنسّام يقســــّم للأريـاح يبيــــــــع
زي تبسيـم ثناك النورو يقيـد طبيع
تبسيمات زهورنا بين النيل نبيــــع
فرعها زي قوامك النادية من هميل
وحامل لي نفوره هلّ هـلال ربيــــع
من مهدك مكمّل ومن جهلك وديـــــــع
مفتون بي هـواك الرفيع والوضيــــــع
كل عزيز في قامه لي محاسنك خضيع
لو ترسل محيّا هدر الدم يضيــــــــــع
بي ذكــرت محاسنك قد جـّل السميــــــــع
وبي ذكرت محاسنك قمري الدوح سجيع
حرك زاد شجــوني في اللـيل الهجيــــــع
ساهـــر و مانى واصل لا خـل لا وجيـــع
ومن بعــدك حبيبــي اختـرت النجيـــــــع
في تصويــر جمـالك قد جـّل السميــــــع
وضـع الماى والنار في خديـك جميـــــع
والـراح بيـن فاهـك والخـد النبيــــــــــع
نـوره سطع وهـلّل دمعي نزل هميــــــع
أرجعــي بي سلامي يا قمـري الفريـــع
قولي للسادة بعدك زي السـم جريـــــع
حظي سواده يشبه شعـرك كالمريـــــع
أغثني ولـو مناما بي قربك سريــــــع
زهر الروضـة نوّر في فصـل الربيـــع
والنسّام يقســــّم للأريـاح يبيــــــــــــع
هر الروضـة نوّر في فصـل الربيع
والنسّام يقســــّم للأريـاح يبيــــــــع
زي تبسيـم ثناك النورو يقيـد طبيع
تبسيمات زهورنا بين النيل نبيــــع
فرعها زي قوامك النادية من هميل
وحامل لي نفوره هلّ هـلال ربيــــع
من مهدك مكمّل ومن جهلك وديـــــــع
مفتون بي هـواك الرفيع والوضيــــــع
كل عزيز في قامه لي محاسنك خضيع
لو ترسل محيّا هدر الدم يضيــــــــــع
بي ذكــرت محاسنك قد جـّل السميــــــــع
وبي ذكرت محاسنك قمري الدوح سجيع
حرك زاد شجــوني في اللـيل الهجيــــــع
ساهـــر و مانى واصل لا خـل لا وجيـــع
ومن بعــدك حبيبــي اختـرت النجيـــــــع
في تصويــر جمـالك قد جـّل السميــــــع
وضـع الماى والنار في خديـك جميـــــع
والـراح بيـن فاهـك والخـد النبيــــــــــع
نـوره سطع وهـلّل دمعي نزل هميــــــع
أرجعــي بي سلامي يا قمـري الفريـــع
قولي للسادة بعدك زي السـم جريـــــع
حظي سواده يشبه شعـرك كالمريـــــع
أغثني ولـو مناما بي قربك سريــــــع
زهر الروضـة نوّر في فصـل الربيـــع
والنسّام يقســــّم للأريـاح يبيــــــــــــع

معزرة
02-20-2010, 01:33 PM
تحية طيبة
رايعة جدا الحقيبة كلماتها انيقة وباحساس عالي ونظيف وتلقائية وصفها ديقيق ولحنها رشيق والاداء متميز (ميرغني المامون واحمد حسن جمعة واولاد شمبات اولاد الموردة وزنقار) اداء فيه ذكاء احساس وتنغيم اصوات رائعة وواثقة حقيقة فترة رائعة وغناء قل ما يجود به الشعراء زمنهم كان جميل زيهم
بس ممكن طلب في غنية بعض كلماتها بتقول (سكنتك قلبي وما ليك جار سكنى قلبي معاك بالايجار) يا ريت نصها كامل اي استاذ
مع التحتية والاحترام

مصعب حسين
02-22-2010, 12:35 PM
اقتباس : المشاركة الأصلية كتبت بواسطة معزرة [ مشاهدة المشاركة ] (http://www.alhajyosefonline.com/vb/showthread.php?p=28956#post28956) تحية طيبة
رايعة جدا الحقيبة كلماتها انيقة وباحساس عالي ونظيف وتلقائية وصفها ديقيق ولحنها رشيق والاداء متميز (ميرغني المامون واحمد حسن جمعة واولاد شمبات اولاد الموردة وزنقار) اداء فيه ذكاء احساس وتنغيم اصوات رائعة وواثقة حقيقة فترة رائعة وغناء قل ما يجود به الشعراء زمنهم كان جميل زيهم
بس ممكن طلب في غنية بعض كلماتها بتقول (سكنتك قلبي وما ليك جار سكنى قلبي معاك بالايجار) يا ريت نصها كامل اي استاذ
مع التحتية والاحترام

شكراً معزره ــعــ المرور العطر

وسوف نلبي طلبكـ بالقصيده

قريبا ان شاء الله جاري

البــــحث عنها

مع تحيتي

azimdodo
02-22-2010, 12:40 PM
يا مصعب ياحسين ياخي يديك 3000 الف عافية مجهود جبار وشغل مميز لك التحية من القلب

معزرة
02-22-2010, 03:01 PM
تحية طيبة
اشكرك علي محاولة البحث واتمنى ان تتحفنا بعد كل حين بهذه الكلمات الرايعة
لك الاحترام والتقدير

الزين ابواسامة
02-22-2010, 06:44 PM
مجهود جبار يا اخ مصعب ومنتظرين منك الكتير واغاني الحقيبة اغاني خالدة وكلماتها فصيحة وبتنمي فينا الثقافة وحب السودان وبتورينا مرجعنا ونوعية اهل السودان وفيها كثير من التصوف والبلاغة والوصف والتصوير باختصار ياهو غنانا وعايز قصائد لعتيق -والريح - التنقاري - وودالرضي - وبطران -وخلينا ننسي ناس اضربني بمسدسك والقنابل وفي حاجة تانية والله انت >وقك سليم والظاهر كده يم جللك اواضانك قديمة وفي كوبليهات وشطرات في القصائد ما سمعناها حتي عند المؤديين وده شغل نضيف >ي الفلم الكامل وتقبل شكري وتقديري

مصعب حسين
02-23-2010, 03:41 PM
الراااائع دومـــــــــاً
الزين أبواسامه

سعدت كثيراً بمرورك عبر نافذتي المتواضعه
فالحقيبه كما ذكرت أخي ارث حضاري
أصيل فرقم بساطه الكلمه الا انها اكثر تعبيرا وجمالا
وتعكس وجه الزمن الجميل الذي كادت ان تغيب ملامحه
فالخوض في دنيا الحقيبه ينعي سلامه الزوق ورهافة الحس
لذا ارجو منكم ان تساعوني بما عندكم
لكي نوثق لهؤلاء العمالقه .

دمت بخير أبواسامه

مصعب حسين
02-23-2010, 10:02 PM
ما زلنا مع عمر البنا

لا تؤاخذني فيما جرى
بحكم نفسى وليك بزجره
يا ظبى الحجره
الدمـوع من عينى متفجّره
والغمضه علىّ محجّره
روحــــــــــى من بـــــــعدك
متضــــــــــــــــــــــــجّره
حـــــــــــــــــــــرام عليك
يا الأهيـــــــــــــــف تهـــــــــــجره
نيران جفاك ما بقــــــــــــــــــدره
وانا بخشى روحى تــــــــــــودّره
أرجوك يا الحسنك بالحور ازدرى
العفو يا حبيب عند المقـــــــــدره
النسيم بى طيبك لو ســــــــرى
يطفى نارى البى مؤثّـــــــــــره
حال غرامى ليك كيف افسّـــــره
انت فوق لى زحل وانا فى الثرى
الأسود الضاريه الكاسره
يا غزال لحظاتك تأسره
عيناك لو ترضى تجسّره
الجبال الراسية تـــكسّره
بعد ذلك هل يا تـــــــرى
أنظر اللحظات الفاتــــره
والقامه البتميل متبختره
وبى توب الهيبه مستّره
العقول فى وصفك حائــره
والبدور من نورك غايـره
كيف أشوف خدّيك النايره
والعفاف والجبره وزايره
الدنيا دايما جايــــــــره
والمقادير فينا مخيـــّره
عسى رب القدره يغيّره
والحى لا بد ما يـــــرى

مصعب حسين
02-23-2010, 10:24 PM
علي المساح
زمانك والهوي أعوانـــــــــك

أحكمي فينا هذا أوانـــــــــــــــــــــــــــــك
بهواك كيف أطــــــيق سلوانـــــــــــــــــك
حمامة الغصون صداحة فوق اغصانـــــــك
ذكرى لى حبيب يا حمامة مولاى صانـــــك
هاجت عبرتى يا دموعى كيف حبسانـــــك
وين تلقى المنام يا عيونى غاب انسانــــك
أنا كايس رضاك، ورضاى اظنو محــــالك
بتعكر صفاى و بياضى اصبح حـــــــــالك
و الحال العلى ياريتو لو يوحــــــــــــالك
مدنف وجدى بيك لكن فقدت حنانـــــــــك
روحى واهبها ليك دى هدية طوع بنانــك
الروض سحرو ماخوذ من سحر عيناتنك
ظلموك لو يقولوا الدر شبيه اسنانـــــــك
حسنك مافى لا عُجمان و لا هربانــــــــك
ان هب النسيم هزّاك ميل بانــــــــــــــك
ما ضر لو اكون انا من حبانـــــــــــــــك
يا ذات الجمال فرضا على اجلالـــــــــــك
بى شوفتك مباح دمى العزيز ما غلالـــك
عدتى و عاد هناى يا "البهجةهل هلالك

مصعب حسين
02-23-2010, 10:53 PM
غصن الرياض المايد

يا غصن الرياض المايد
يا الناحلني هجرك وانت ناضر وزايد
جافيتني ليه انا ليك رايد
يا غصن الرياض المايد
ما اظن عن غرامك لو اموت ما أحايد
سهران ليلي طال والعين صحت ما هجايد
تعبان قصدي ليمك وأنت ناضر وزايد
في الجيل يا الجمالك سائد
عينيك ليك جنودك وأنت ليهن قائد
يا نافر جفيتني بنظرة لي ماك جايد
شوفتك زي هلال العيد وفيه أعايد
انا وحبك ترعرعنا ونشأنا ندايد
من زمنا قبيل أيام قلال وعدايد
ما خلص القديم وتبين مصايبه جدايد
حن يا حبيبي كفاي مر العذاب وشدايد
يا خلاصة الحواري المن جنان وخوالد
حسنك ليك يدوم لا أم تلد لا والد
رافل في ظلال مجد التليد التالد
يا لابس العفاف حلية وعقود وقلايد
عانيت في ليالي هواك صنوف وأحايد
مشكلة بين هواي وجفاك وأنت محايد
بس ما ذنبي غير صوت النشيد ونشايد
في مدحك بنيت قصر الرشيد الشايد

**********************

الشاغلين فؤادي


الشاغلين فؤادي وتايهين فايقين
يفت البى ذارف دمع المايقين
تال القبلة شايف لي برقا لمع
والصيد في الخما يل ياناس اجتمع
قوموا يا أحبة نسترق السمع
ما يطيق القعدة والمايق دمع
البلابل صاحت في الليل الهجيع
سهرانات عيوني وجافيت الضجيع
من الحاله ديه اولا لي النجيع
وا حسرة شبابي الما لقيت لي وجيع
كلف احبابى لي يا مولاي قدروا
انسلبت لحومي واعضائى خدرو
لاموني العوازل بى حالي ازدروا
هم تايهين دلالن ساهين ما دروا
سامرت الكواكب لما الفجر لاح
منادى الفجر نادى وقال ياهل الصلاح
صلوا الوقت حاضر قام أهل الصلاح
وانا الليل قايمو لا خيال لي راح
النسيم عاودني أقوم من نومي تاب
مدهوش فكرى حاير مشطوب انشطاب
يا نسيم بلاهى جيب رد الخطاب
اوع الجاهلة نية وما بتحمل عتاب
حليل القدرو سامي فوق الجيل فريد
حليل روحي بقت ليه طوق في الوريد
بكتب ليه خطابي وعذري عذر مريد
يا نسيم بلاهي طبق ليه البريد
انكسرت اعضائى من كسرة الولوع
وابكي العبره خانقه وانا ليها البلوع
أصبح قلبي يرجف خلى من الخلوع
يا ناس روحي شاهقة هيه ناوية الطلوع
جمر الحب ده ولع حفيان ماش عليه
ماذينى الضنى وانا صابر عليه
حالته كئيبة أخوك يا محمد على
وناظم القول أخوكم المساح على

مصعب حسين
02-24-2010, 11:54 PM
ظبى الخـدر

ظبى الخـدر المـاشاف قفار
منو العسجد عار الصفار
ظـبي الخـدر اين المـسار
ناحل جسمي وزاد الحسار
جـيتك واقـع بـي انكـسار
بعدك عسري وقربك يسار
ظـبي الخـدر مـحياه دار
حـسنا فـيه الماء و الخدار
مـن لحـظاتو سبب الودار
ريقو خلاصة الفي خليتو دار
ظـبي الخـدر مـحياك قـمر
مـيل فـرعك شال الثمر
طـايل ديـسك ينـضح خـمر
مـن العـلقم هجرك امر
ظـبي الخدر في حشاي مقيم
حزنك دمعي وحنان وغيم
لـمتين اسـمع من فاك نغيم
طيب انفاسك يشفي السقيم
ظـبي الخـدر صـاد مو ودود
جيدك دمية وورد الخدود
جند انصارك منعو الحدود
زور المضني و خلي الصدود
ظــبي الخدر طـرفك كحيل
صدرك عالي وخصر نحيل
من اردافك دايما وحيل تحكي
سحايب الضحي في الرحيل
ظـبي الخدر فـي إئتلاف عقلي
غرامك لي جسمي لاف
نـومي وعـيني في اخـتلاف
يسكر نغمك زي السلاف
ظـبي الخدر قـدرك وسـيم
يالبي عفافك محجوب لثيم
مـني سلامك مامر نسيم
يرضي لذاتك ويكوي الخصيم

*************************

انت بدر السماء في صفاكـ

انت بدر السماء في صفاك
فولي عن عيني من خفاك
ياحبيبي متي وفاك
قلبي دون الناس اصطفاك
وروحي تسمو سماك الفاك
الممات والحياة بين شفاك
فيك نفور الظبي في صفاك
قلبي واله بيك ما نساك
عاني فيك العنا من اساك
قصدي زورة طيفك عساك
ياحبيب القسا سيب قساك
انت كعبة حب لليطوف
انت جنة وادانيات قطوف
ما الو بدر السماء ما شروق
ما الحماه ومنعه المروق
خده زهري وبسمة البروق
وغير اشوقه انا مابروق
حاجبه يحكي النون والهلال
وطرفه فيه معاني الدلال
فاه فيه الدر والزلال
وجيدة اتلع ظبي التلال
ياحليل زمن الجهل
بين تلال الابي في السهل
من جروفنا بنشرب نهل
يازمان هل من عوده هل

مصعب حسين
02-25-2010, 12:04 AM
زمانك والهوى أعوانك


زمانك والهوى أعوانك احكمي فينا هذا أوانك حمامة الغصون صداحة فوق أغصانك
ذكرى لي حبيب ياحمامه مولاي صانك
هاجت عبرتي ويا دموعي كيف حبسانك
وين تلقى المنام يا عيوني غاب إنسانك
مدنف ودى بيك لكن فقدت... حنانك
روحي وهيبه ليك هي هدية طوع بنانك
هاروت سحره مأخوذ من سحر عينانك
ظلموك لو يقولوا الدر شبيه أسنانك
في صبحي ومساى نازلات دموع ساحالك
وأنا كايس رضاك ورضاك أظنه محالك
أتعكر صفاي وبياضي أصبح حالك
والحال العلى ياريتو لو يو حالك
حسنك مافى عجمان ولا عربانك
لو هب النسيم الزاكى ميل بانك
أدبك خدرك الضاراك على ما بانك
ما ضر لو أكون أنا من احد حبانك
قلبي أمين هواك يا الجميلة خلالك
يا ذات الجمال فرضا علىّ إجلالك
لو شوفتك مباح دمى العزيز ما غلالك
عدتي وعاد هناى يا البهجة هلّ هلالك

مصعب حسين
02-25-2010, 12:15 AM
ما زلنا مع الشاعر المساح
نغيم فاهكـ يا أم زين دواي

نغيم فاهك يا أم زين دواى
شفاى البجبر........ قواي
يا أم حبا ردف...... تواى
كمل صبري وزود هواي
رقى رقى جودي بدواى
ظمأى بعدك وقربك رواى
أقيم ليلى واحسب سهاى
يغيب عقلي وافقد نهاي
وفى جسمي ظاهر وهاى
اسعفينى دنا .....انتهائى

ذكرت البين ليه ياغراب
صياحك يافراق يا خراب
ديار أم زين كانت قراب
غبن بانن في... السراب

البدر محيك وشعرك كليل
يميل خصرك منه العليل
تقل ردفك لاعضاك فليل
قتيل حبك ودمعي الدليل
رق جسمي وصابه انتحال
على حبك حمل الرحال
ومن بعدك أنا حالي حال
يالقمره وصالك محال

أنا أعيد الحب من جداد
أنا الحافظ حق الوداد
أنا الهائم والناس شداد
أنا اللابس توب الحداد

أنا الكاتم السر ما حكي
أنا الحاضن البلا ما اشتكى
أنا الحجة بحل مشبكا
أنا المساح دمع البكا

مصعب حسين
02-25-2010, 07:01 PM
الشاعر محمد علي الامي
عيون الصيد


عيون الصيد ناعسات عَيوني

عيون النيل حاكن عُيوني

نسيت قلبي وروحي ونسوني

و فقدت الكانوا يؤانسوني

ليالي هناى جد عاكسوني

و أخاصم النوم كيف درسونى

مع الآلام هاجت شجوني

و أطباء الكون ما عالجوني

جفوا بنفورهم هيجوني

متين في الطيف يصبو ويجونى

فقدت صحاى لا تنصحوني

خطاب وعتاب كفى بارحونى

عيون الصيد ديل جرحوني

سروري يتم لو يلمحوني

غلبني أسير هيا درجونى

و على الأطلال ليل عرجونى

هواى شريف لا تحرجونى

وعلى الأكفان شيش درجونى

مقر املى فيهم ظنونى

يزيدوا دلال وتزيد جنوني

لذيذ تعذيبهم لو ضنونى

وصالهم آه راحتي ومنوني

***************************

مستحيل عن حبكـ اميل

مستحيل عن حبك اميل

وصافي حبي فيك ما عميل

ليك في قلبي روضه و خميل

يا فريع البان الجميل

ميل و خلي العالم يميل

مستحيل عن حبك اميل

اساهر الليل انا يا جميل

وكيف اطيق من بعدك بعاد

و مرة هجري و مرة البعــاد

ليت طيفك يرجع يعاد

يبقى صادق يوفي الميعاد

مستحيل عن حبك اميل

اساهر الليل انا يا جميل

انا الغيث الفرج الهموم

انا الساقي الحساد سموم

و انا الكايد اعدائي عموم

مستحيل عن حبك اميل

اساهر الليل انا يا جميل

مصعب حسين
02-25-2010, 07:11 PM
ما زلنا مع الشاعر الكبير
محمد علي عبدالله الأمي

مصعب حسين
02-25-2010, 07:22 PM
ما بخاف من شئ

مابخاف من شئ برضي صابر
المقدر لابد يكون
ان أتاني الهم جيشه دافر
يلقى ياخلاي صبري وافر
يلقى عزمي التام ليه خافر
ويلقى قلبي شجاع وما جبون
بالعداء معروف ما ببادر
ومابخون الجار ماني غادر
وما بقول للناس متلي نادر
بل بقول للخالق شؤون
ما عصيت مولاي ماني فاجر
لا ولا بالعالم بتاجر
نفسي يا أحباب ليها زاجر
لم أكن كل يوم لي لون
الثبات معروف لي معاصر
لو بقيت في داخل معاصر
والإله غير شك لي ناصر
رغم انف الواشي الخؤون
قول لشاهد الزور فيما ساير
هدي روعك قبل الخساير
ياما قبلك عميت بصاير
من لساني وقولي الهتون
قول لأهل الجور والمساخر
مافي أول ما ليهو آخر
مابدوم العز والمفاخر
وما بدوم الظل والحصون
عن سبيل الحق ماني نافر
وما جحدت الخير ماني كافر
وما ضمرت السوء ماني حافر
للصديق هاويات السجون

مصعب حسين
02-25-2010, 07:23 PM
سألته عن فؤادي

سألته عن فؤادى وعن سبب هيامه
أجابني ما هو عارف
عشقته وجماله نظمته فى فنونى
جفانى صدى عنى تركنى لشجونى

اذا تلاشى صبري وترعرت جنونى
واذا أنبرى فؤادى لعهدى ما بخالف

حبيبى يا مدلل بحق صفا كمالك
حرمتنى وصالك وملت عنى مالك
أنا صريع محاسنك وانا أسير جمالك
تعال شوف تعال زفيرى والعواطف

يا فرحة الحزانى ويا زينة المواكب
يا ربرب الخميلة ويا زهرة الكواكب
زمانى جار معاك وها هو لى ناكب
ببعدك الصلانى يا درة المعارف

جمالك المكمل لهانى عن سواك
وتيهك او دلالك رمونى فى هواك

حبيبي أنت دائي ومين يكون دواك
أظن عفوك عنى ورضاك لى يوالف

أهوى الذى أضنانى وغزانى بى نباله
ولا سأل فى حالى ولا خطر بباله
يرانى أو أراه وأقيف ذليل قباله
واقوله أنت سيدى وفيم عنى صارف

مصعب حسين
02-25-2010, 11:18 PM
انت حكمة

أنت حكمة أنت آية ولا إنسان
أنت صاحي ولا نايم
ولا طرفك من طبعو نعسان
أنت راحي أنت روحي أنت انسان
عيني يا صاحي وأنت أحسان
انت نادى انت هادى وأنت ميسان
انت ظافر انت ضافر أسود وفرسان
انت شادن انت لادن انت فتان
انت ضامر انت سامر انت هتان
انت نادر انت ناضر انت بستان
انت صافى انت نافى زور وبهتان
يا حياتى يا مماتى هاك سطران
الصبابة ومر عذابها وقلبى اقران
وانت ساهى انت لاهى انت بطران
يا صفائى يا وفاى هاك برهان
عن غرامى وطول هيامى السابنى ولهان
عز قربك أما بعدك ماله لى هان
قلبى خافق هل توافق قدرى ينهان
يا حبيبى كن طبيبى أمرى حيران
طول نهارى ثم ليلى ساهى سهران
عذابى وصاح غرابى جوى عكران
دمعى هامى وشوقى نامى وفرشى نيران
أنت حالى انت عالى انت سلطان
أنت ساطع وانا ساجع بى غناك طان
طال أنينى وفاق حنينى الحان لأوطان
واليلومنى فى هواك يا سيدى غلطان

مصعب حسين
02-25-2010, 11:29 PM
غرد يا حمام


غرد يا حمام أسمعني واشجيني
بذكرة الأحباب بالله ناجيني
رحماك نجيني من دي الهموم
البي من قاع سجين
خلي الهنا يجيني وخلي السرور
يصبح في طيه زاجيني
تبريحي صاليني وهيامي
زاد أضعاف ومنامي ساليني
قول انت سليني خلي اليزول
عني ألمي المواليني
أنا شوقي ماليني والبين
برى جسدي بنوايبه باليني
يا دمعه بليني ويا قسوة الأيام
فتي الحدود ليني
مين غيرك يشفيني ومين غيرك
انت يعيد صبري المجافيني
قول ليه صافيني زمني القصد
هجري في هاوية خافيني
غاب رشدي أهديني في ملتقى
النيلين اتغني أشديني
على توتي عديني تجد الأدب
فطري وتجد الحيا الديني
صابحني ماسيني يا جالب
الأفراح لا تبقى ناسيني
سجعك يواسيني ورجايا فيك
يا حمام يوم موتي ترثيني
صعد وناديني و أقصد رياض
شمبات طير بي وديني
في غناك أفديني و اندب
هناك حظي وسعدي المعاديني
بطرى البساتين وبطرى الشذى
الفواح والمسك والتين
يا جنه فتيني هل بعد هذا
رجوع ؟ يا حظي أفتيني
ان رمت ترويني مروى العطيش
في اب روف بجرعه داويني
في جوفي كاويني حب الفريد
في أم در من قبل تكويني

مصعب حسين
02-26-2010, 11:05 AM
الشاعر ابراهيم العبادي
يا عازه الفراق بي طال

يا عازه الفراق بي طال
وسال سيل الدمع هطال

طريت برق الفويطر الشال
وساح دمعي البكب وشال
كمل صبري ومنامي انشال
لبس من ناري عمه وشال

أرض آمالي في امحال
ومن الهم بقيت في أوحال
وبعدك عزه ساء الحال
منامي وصبري أضحى محال

حليل الناسا وناسا
طريت أم در حليل ناسا
وكيف أنساها وأتناسا
ومفتون بي ظبي كناسا

ولع جوفي جمري الحي
وما بتطفيه آه وأحي
فيا زينة ربوع الحي
لي دياركم يعود الحي

*************************
الم البعاد

حــي ألم الـبـعــاد حـــش كـــلاي وأجـــرا
دمعي أنا شوقي طايـل لي ظـبيات وأجــره

ياحليــل الغـصـون المايـسـات في الـقـلعـه
زي الريـل حدايـق وكالـبـدور في الطــلعـه
مع فـرط الجمال زايــدات حــداقة وشـلـعـه
يات من كان تجيك تقـدح تـزيـدك ولـــعــه

بـذكر جـلـستـن يــوم جـمعـة بعــد النافـلـه
ربـات الـعـفـــاف الطـبـقــة الـمــا سـافـلـه
دارســات كـــــل فـــن إلا الأمـــور الآفـــله
والعـجـب الخـلق شـبـه الأرايـــل الجـافـلـه

يـات مــن كـان حـافــلـة أو غـيــر حـافـلـه
تــتـناول فــؤادك وتـمـشي مـنــك غــافـلـه
أنظـر قـامة ممشـوقــة ومـضـمـرة كـافـلـه
نـغـمـاتــاً تـنـسـيــك الـفــروض والنـافـلـه

إقـتـبـس الـبدر مـن آمـنه نـورو و دارتـو
الخـز والدهـب عـار من جسـيما نـضارتـو
الدر حـيـن وهـب لي فاها شـوفـو قـدارتـو
أضحي علي الرؤوس يُحمل ونافـذه إدارتـو

فــرع الـيـاسـمـين مــن النـسـيـم يــتــني
سـالـكـة مـضـمـره والـتـنـه فــوق الـتـنـه
عـبـي نـهــودو كـالـتـلـــه وجـــا يـكـتـلـنا
الــشــهــاده مــنــــو الــنـــالـهــا مـتــلــنا

إن جـاتــك تـقــود فـي عــومـا زي الــوزه
والـلــفــتـــات غــــزالاً بــي نــتــايــل فــزّ
وكـتين تـبـدو جـوز عينيها كسـرة وغــزه
زي الــفـارس الـــشـال حـــسـامــو وهـــزّ

مصعب حسين
02-26-2010, 11:17 AM
من فروع الحنه

من فروع الحنه وزهرة التفاح
هـاج بـلابل فـكري النسـيم الفاح

الجداول تجري فوق خدودك دُر
والرشـيمات بَقّـت في اشـعة خُدر
يعمي عيني قبلك مانظرت بدر
فـوقو ليـلاً حالك يعلو غصناً ماح
القوام متوازي لاقصر لاطول
والشـليخ افعالو تـصرُّفات مسطول
ماهو خاتي دا ساند ضهرو في الاسطول
والعيون حُرّاسو وفوق جفونو صِفاح
انت روحي وراحي ليك ظمآن
غاب مـا بـصرِّح باسمك مابجيب القاب
انت ديسك خدرك ماكِ صيدة غاب
مـن فوارس حيِّك ليك غابة رماح
اختصر افكاري خصرك المعقود
مابيُمس بي كفة لاقميص لاعقود
جاربو ردفاً جاير حلمه ليه مفقود
عذرو واضح صدرك مالبو جوز تفاح
خلّي امعن شوفو قول لي ايه يا النور
هل رأيت لك دمية ام دا جام بَنّور
جلّ من انشاها وصاغا شعلة نور
هل دا جيد وقلادة ام نجوم وصباح
المعاصم جدلة والكفيفات غوف

مصعب حسين
02-26-2010, 11:49 AM
رجال الهمة

نـاديـت رجـال الهـمة
تـنـجو امونة من الحمي
يالمخـتار شـفيع الامة
نـفـس الجـاهلة ما ينخمّ
تصـبح طيبة تسلم ضُمة
غـير لي سـرورا مـانتلمّ
يالبضعة الشريفة الزاهرة
في سلالتك عفيفة و طاهرة
رجال الهمة
ارسلي نجدتك تجي ظاهرة
ورّي الحـمي عـيناً قاهرة
يـالـخـلفا الكرام الستة
يالفـي الدنـيا زيطكم شتّ
حـيل امـونة مـاينـبتّ قـولو
الحمي عادمة الحتّة
صـاحب السـبقة الاولية
تـالـي دولـة الاولـيـا
يـالفاروق وقـيع وعليّا
وجـع امـونة ضيفو عليّ
يـالآل و الصحاب الجملة
يالدينكم صحيح صاغ عملة
مـن امونة شيلو الحملة
ماتضوق تاني قرصة نملة
اقـيفو سادتي الحـسنية
الغـر و الطـباعـا سنيّة
يـالصُـلاّح بـنية بـنية
تبري امونة جاهلة ونـيّة
يـالقـوم العـهودا وفيّة
اهـل الخـرقة الصـوفية
آمـنة الـريدا راسخ فيّ
تـتعافـي وتـكون معفية
يـاللجن عموم يصغولك
واهل الدايرة يسمعو قولك
واقع بي ابوك ورسـولك
وبِتَّك يـابا اوجـب حولك

********************
سائق الفيات

ياسايق الفيات
عج بي وخد سنده
بالدرب التجت
تجاه ربوع هند

بوصيك قبل تبدأ سيرك
داك طريقك سابق الريده
منك بعيد جيده حي هند
المرام عج بي ربوع عبده
شوف سياق الفيات
الليلة كيفن هاش
والشجر الكبار بقي
شوفنا ليه طشاش

شق حشا الطريق
واتيمم الحلال
زفنه الكلاب
مانالن إلا علال
باقيات ثواني قلال
بينك والغروب داك
مشرع الشلال

أطوي الارض واضرع
ومن أفكارنا سيرك
يا الفيات أسرع
ميل علي المشروع
لا تريع القطيع
وتجفل الأدرع

شوف النهر مار
بخشوع تفول مجسان
كما مر المنام
في مقلة النعسان
جلت قدرته
ما اظلم الانسان
كم ينسي الجميل
كم يجحد الاحسان

مانفرن تقول
سايق الكلام إلفه
عطشان قلت ليهن
وصحت البلفه
مافيش كاس قريب
قالن دون كلفه
تشرب من كفوفنا
لم تتكفى

مصعب حسين
02-26-2010, 05:33 PM
الشاعر خليل فرح

صباحكـ ماله

يا ليل صباحك ماله
واحبابك جفوني ومالوا
شوف صاحبك فقد راسماله
ما بفرز يمين لا شماله
مـا دام الحـبايـب مـالوا
بدرك ما بشيقني كماله
يا ليل بدري شاغلك ماله
نايم صاحي مالك وماله
لا تقول لي هواه امالــه
ايه ضيعني غير اهماله
يا ليل طول وسيبه في حاله
أو حول عني زي ما حالو
ما بتزحزح اتنحى لـــه
بالليل والنهار اصحى لــه
كم حاسد سعى ونما لــه
لكن بدري ما اهتمـالــه
ما بحقد وديع في جمالـه
ضاحك كالزهر في رماله
زاد تيه ودلاله وحــالـه
بالفي قلبي مين اوحى لـه
سيب الواقع أرجى محالـه
لا بد العيون تصحى لــه
نشوان من نشأ بدلالـــه
كالبدرين لطيفـه خلالـــه
دايما نحن نخشى ملاله ا
متى يفوق ويصحى جلاله
صايم لي زمن في ظلالـه
عطشان يا نديم لزلالــه
نور ايه ده اللي ضو تلالـه
انظر يبقى هل هلالــــه
لسع ملهي جار أذيالـــه
طايره مع الطيور اميالــه
يضاحك في المرايه خيالـه
ما عارف البموتو حيالـه

***********************

قمــــر

لا تسكبيهــا أم قـمـر
حاسبى الرسول يا قمـر
ثواني يطلع علينا القمر
عادت ليالي السمـر
بين التلال والقمر
الهم ذهب واندمـر
والجو تعطر خمـر
جلسوا الرفاق للسهر
متكفي دفعوا المهر
ما فينا آخر الشهر
والفاضي يقع النهر
درها أم حبابا نتر
فار في الكئوس واتنتر
ما خاتي ربك ستر
من كب عيـون المتر
يا ساقي مهلك خطر
هذا الدهاق المطر
سيب الدلال والبطر
الليل يا دوب انشطر
شادينا لمس الوتر
نشط الكسول والفتر
الكل تمايل ختر
في نشوه خاتيه القتر
هبت نسـايم السحــر
والليل جفل واندحر
هاتي الصبوح يا ام نحر
دي ليله تسوى الدهر

مصعب حسين
02-26-2010, 05:40 PM
طير الوِّدى


يا طير الودى نزَّاح تسابق الشـارده
بتجوب الفضا وتثكـل ثكيل الفارده
نيـاتكْ سُـلام ما حاره عينك بارده
ميـَّال للطبيعة والهبيبـه البــارده
أنيس الرياض ما بتخفى عنك شارده
ويكيف غريدك ذى دمـوع الحارده
جفَّاك من حبايبك وما بتشبقك عارده
والنيل بيك تآنس والصحارى الجارده
قول لى ما وراءك يا عصام بالواحده
عاطفتك كريمة وبالخبير ما جاحـده
لا زال النخيل فى توتى مادى الشاحده
وشمبات لسَّه ترفل فى نعيمه وجاحده
كنانة آمون مشغولة قايـده وشـايده
من ولدانه بى تلك القصور الشـايده
هديك الفلايك وديك (لوتس) و(عايده)
وداك عاشق مدلل وديك حبيبه معانده
ناس الأم حُنان وان منى منعوا الرايده
مـا حسوا لى أنا وما ظنوا فىَّ الفايده
زينتى وشينتى عاد إياها فوقن عايده
والأيام ظروف صايده وتكون ماصايده

مصعب حسين
02-26-2010, 05:53 PM
بلى جسمى


بلى جسمى وفتك جفاك
يا حبيبى أما كفاك
أيها الظبى فى صفـاك
يا أخا البدر فى صفاك
أنا راض بحكم فاك
انا باق على وفــاك
قل لى بالله ما خفاك
قل وعلم عتابى فاك
المعذب بنار جفـاك
هو قلبى الذى اصطفاك
باللذى براك وبرى
الغصـن والأراك
لم خلفتنـى وراك
أتـرى بعــد ذا أراك
شفنى هواك وكوى
مهجتـى نــواك
قل من ذا الذى غواك
عن وصالى اذن سواك
أنت كالبدر فى علاك
أنت كالروض فى حـلاك
أنت كالطفل فى ولاك
أنت للعالمــين هلاك

*****************

بين ها القُصُـورْ

بين ها القُصُـورْ زينة العُصـُـورْ
بهجة الرُّصَـافة وهَيبة المنصـور

جَنْ أترابا سُـورْ متعاقدات خُصُور
تَقْدل بى حصافة والنظر حَصُـور

اللَّحَـظْ مُثيـر والكِفيـل وثيـر
والبسيم مُفَلَّـجْ كالـدُرْ النثيــر

الشبـَهْ عديـم خَـلُّـو يـا نديـم
من سُلالة طاهرة وسِتْ نَفَلْ قديـم

البنـان خضيب والقـوام رطيـب
والوريد الباهـى محَّـق الوضيـب

غير شك تسود العيـون الســود
ما فى شئ مبدع خـالى من حسود

إن مشت تميـد كـل شئ حميـد
فيهـا والعشوق ما طـرا الغميـد

قَصَّـر النشيد ميـن يقـدر يشيد
تيهى يا زبيدة وأقدل يـا رشيــد

إنت بس مُناى نُزْهتـى و هَنَــاى
جَنتّـى ونعيمـى عِلّتـى وفنـــاى

العقـود عهـود والنهـود شهــود
والحَكَمْ لحِاظِـكْ جَــوِّدى اليهـود

العـذول لعـين مـا فى زول معيـن
خلقة الكون مضلم وانت نـور العيـن

ما بخاف وشى ما بنجضنى شى
ضايق مانى صابر فاقد كل شـئ

مصعب حسين
02-26-2010, 06:10 PM
كـتِّر امراضي


مـيـل و اعـرض كـتِّر امراضي
بِـي هـواكم والـهوان راضي

جُـنَّ لـيلي و هـاجت اعـراضي
سَـحَّ دمعي و طاشت اغراضي

هـذا بعـض الـبَيْ عـدا امراضي
وانت داري وراضي ماك راضي

بـالـي جـسمي ومن زمان قاضي
هـاهو حُـبّك بـين انـقاضي

هـدِّي روعـك اوعـي لا تقـاضي
مـا بشارعك مـابكوس قاضي

المـضـلِّـل رُشــدي يـاهـادي
والمـكـتِّر في الغضي سهادي

الجـبـيـن الـفـي الظـلام هادي
والقـوام السـيدو متـهـادي

يا حـبـيـبي فـيـم تـهـديـدك
كـل عذابي و هجري ما بفيدك

روحي في ايدك ضاعت وحات ريدك
كـيف ضـاعت يـاسلام ايدك

***************************

زهرة روما

بين جناين الشاطىء وبين قصور الروم
حي زهرة روما وأبكي يا مغروم

دره سالبه عقولنا لبسوها طقوم
ملكة باسطة قلوبنا تبين عليها تقوم

في الطريق ان مرت بالخلوق مزحوم
كالهلال الهل الناس عليها تحوم

شوف عناقد ديسها تقول عنب في كروم
شوف وريدا الماثل زي زجاجة روم

القوام اللادن والحشا المبروم
والصدير الطامح زي خليج الروم

خلي جات متبوعة الصافية كالدينار
في القوام مربوعة شوفا عالية منار

موضة آخر موضة هيفا غير زنار
روضة داخل روضة غني فيها كنار

شوف جبينا الهل ضو فوقه فنار
منه هل الشارع منه بق ونار

طالعة ما بتقابل زي لهيب النار
تحرق البتهابل والبعيد في نار

مصعب حسين
02-26-2010, 06:18 PM
زاهى فرعك


زاهى فرعك نما وسما

تشبهى الضو فى السما

الخدود نارها مضرمة

فى حشاى واضعة مفرمة

بي هلاكنا أنت مغرمة

طرفك الساهى كم رمى

سمحة قامتك على التما

فاهك البسمة خاتما

للبدور خدك إنتمى

فى العيون شلخك احتمى

يالقلب تقسما

وحبيب تبسما

بدر تم وقد سما

اه ما أبعد السما

يا نسيم أمشى سالما

بى لطيف شيشا حلما

بالعلى ألقى كلما

وهاك رويحتى سلما

مجلس الأنس ضمنا

نحنا والكانو يمنا

والسرور كله عمنا

مافى هم لا همنا

مافى جاهل بذمنا

يا شقاوة البشمنا

العيون هادرة دمنا

أصله ما بيبرأ سمنا

وقفت بانة النقا

ديسا طاويها فالقا

النظر راح يسارقا

صد قال فوق خالقا

الحرير ماله خانقا

والحجيل يمشى زانقا

صيدة روايها ما اتلقى

كل شىء فيها قالقا

جلست شوف تأملا

وقفت ضجت الملا

صاح شاديها وإتملى

مصعب حسين
02-26-2010, 06:20 PM
متنا ما سمعنا ململة

شوف وريدا وسوالفها

شوف صديرا المزالفا

شوف ضميرا الموالفا

من كفيلا المخالفا

ليلة فى غاية الصفا

حفلة معدومة الصفة

يا نديم عقب أوصفا

وأقطف أزهارها صفصفا

غصن بان إذا مشى

واذا مال واختشى

فضح الغصن والرشا

لك يا غصن مافشى

لك يا ريم ما تشا

لك فى داخل الحشا

روضة طيبة وشى

الحسان تمشى قادمة

يضوى العتمة كالدما

يا عيومى تهدما من

صياح أزرفا دما

كوكب السعد إنتمى

لك يا صاحب النما

فسلام عليك ما

لبس الروض نمنما

العيون ناعسة صاحية

والخدود يقطرن حيا

البصيبن ما حيا

ما بتزيل عطشته الحيا

إنت يابر يا سلام

للجميع أكتب السلام

وأحفظهم فى صلا وسلام

مع أحمد عبد السلام

مصعب حسين
02-26-2010, 06:36 PM
اذكر بقعة أم درمان

اذكـر بقعـة أم درمـان
وانشُر فى ربـوعا أمـان
ذكِّـر يـا شبـابى زمـان
دارنـا ودار أبـونا زمـان
وفيها رفـات جدودنا كمان
ما بننسـاك خلقة ضمـان
جنـة وحـور حماك أمان
بطـرى الأسسوك زمـان
كانوا نحاف جسوم ماسمان
كـانوا يحلحلوا الغـرمان
يساهروا يتفقدوا الصرمان
فى السودان فتيح معـروف
ولسَهْ ابعنجة خوره سروف
وود نوباوى زول معروف
باقى وديك مشارع ابروف

كـانوا جبال تُقالْ ومُكَـان
نزلـوا اتربعـوا الأركان
خلُّـوا البقعـة كل مكـان
آهلــة ورازَّة بالسكــان
ليـه يـا كعبـة العـربان
غاضبة وفيك عريسك بان
قُبَّـال نسـأل الـركبـان
حِبِّـك من حسـودك بـان

*********************


ود مدنى


ما له اعياه النضال بدني
روحي ليه مشتهيه ود مدني
ليت حظي سمح واسعدني
طوفه فد يوم بي ربوع مدني
كنت أزوره ابويا ود مدني
واشكي ليه الحضري والمدني
آه علي حشاشتي ودجني
وحنيني ولوعتي وشجنى
دار ابويا ومتعتي وعجني
يا سعادتي وثروتي ومجني

حين سألنا حاوي الوصب
من خمايل قرية القصب
قالوا جات سيرتك علي النصب
ونحن بين الروضة والقصب
صنفه بعرها قالن إن تصب
تربط الأحلام مع الخصب
كان حبيبنا وحاشا ما نصبي
ومن زمان فارقنا وهو صبي

تاني ما سمعنا انقطع خبره
يا حليلم طشوا ما اتخبروا
واحدة فيهن قالت انجبروا
فقر ابونا وخدمة النبرو

الكنانة أكرمت نزلي
واغدقت من خيره كل زلي
إن حييت أو مت في الازل
ده مقدر طبعه في الازل

غايته بختم نفثتي الخطرت
بي تحية من حشاي شطرت
للتدور والطايره والما طارت
وسلاما ما الغصون خطرت

مصعب حسين
02-26-2010, 06:49 PM
ما زلنا مع الرائع خليل فرح

فلق الصياح

فَلَق الصباح قـول لى
أهـو نورك لاح خِلِّى
يا خفيــف الــروح
هــو هـــذا نـداك
أم نــدى الأزهــار
من جنان رضـوان أصلك
لـذا كـل ربيع فصلك
اتـنـفــس فــوح
تتـنـفــس نـــاس
وريـــاض وبحـــار
ما ألذّ نسيـم وصلــك
مـا رأيت يا جميل مثلك
يـا بليــل السُّــوح
هــو هـــذا نــداك
أم هـوى الأسحــار
أنت روضة وليك زهرة
وله كوكب وليك بهرة
ضمخــوك للجبيــــر
زعفران وعبيـــر
إنتَ نـار فـى بهــار
صَبّـغْ الخـدين حُمرة
بعد ساعة بتشوف صفرة
الاصفـرار ده كتيـر
أخجلـوك يـا أميـر
ولّــه نُمّــت نهـار
صبح البُستـان شايل
شجـر الرمـان مايل

السُــلافْ فى الدِنـــان
والكنـــار فى حنـــان
والهِــزار فى هِــــزار
إنتَ كالطـاووس خــائـل
كبرياءك وفيـك خــايل
انـزل انـــت كمـــان
غـّن قـول يـا زمـــان
ويـــن حبـيـبــى آذار
مــا عرفنا عدوك زاهــل
ولَّـه لِسَّـه غُـــلام جاهل
مُتَهـــلل صيـــــف
شِتـــا عنــدك كيـــف
فــى اللـــعب بالنــار
فـى لهيبــك أشـوف ساحل
كالفــراشة أجيــك راحل
أنــا خــــايف كيـــف
يــا لطيـــف الطيـف
أهــوى وابقــى فـى نــار
فلــق الصبــاح نّـــوَّر
لــى نحــور الغِيــد صَـوَّر
جميعَـــنْ فـى الـــدور
مِــن خــدود وبـــــدور
صَــدَفَـــه و مُحَّـــارْ
عَـزَّة شُـوفى الحــوش نوَّر
بــى نجــوم الليـــل غَـوَّر
يـــا صبــاح النــــور
علـــى العيـــون الحـــورْ
والخـــديـــد الحــــار
عَــزَّة قـومى كفـاك نـومك
وكفــانــا دلال يـــــومكْ
إنـت يــا الكبـــرتــوك
البنـــات فــاتــــــوكْ
فــى القطــار الطـــار
عــزَّة شُـــوفى شبــاب قــومكْ
سبقـــوك علـــى كــومك
بـــت رجـــــال ولــــدوكْ
للقبيــــلة هـــــــدوكْ
إنـــت عِـــزْ وبَطَــار
الجمـــالْ فـى كمــــال وصفك
أدبِــك وجمـــال خِلْفــــك
الضميــــــــر كالعــــــودْ
والعيـــــون السُّـــــــود
فى البطـــانة كُتـــــار
منزلــك عُنْـــــوان ظــــرفك
نــوريـــة يَصــون إلفــــك
زَعَلِــــكْ يــا أم خــــــدود
سَــــوِّى ليــــه حــــدود
مِنُــــه يــا سَتَّــــار

مصعب حسين
02-26-2010, 06:57 PM
نحن ونحن الشرف الباذخ


نحن ونحن الشرف الباذخ
دابي الكر شباب النيل
قوم قوم كفاك يا نايم
شوف شوف حداك يا لايم

مجدك ولي وشرفك ضل
إمتي تزيد زيادة النيل
نحن نطارد العنزة الفاردة
نحن نزود مشارع النيل

نحن برانا نحمي حمانا
نحن نموت ويحيا النيل
ما بنندس ما بنتوصي
نحن نكيل برانا نشيل

نحن الطينة ومطر العينة
نحن الوادي برقه يشيل
نحن الصولة سيوف الدولة
نحن كنانة اسماعيل

بابه العالي وشرفه الغالي
كان لجدودنا ظله ظليل
يا حكامنا جيبوا البينه
ولا انقرعوا كفوا الشينه

ده ود عمي وده ضريب دمي
انت شنو طفيلي دخيل
يا نزلانا أمرقوا الذمة كيف
ينطاق هوان الأمة

شالوا حقوقنا وزردوا حلقونا
ديل عاوزين دمانا تسيل
من تبينا قمنا ربينا
ما اتفاسلنا قط في قليل

مصعب حسين
02-26-2010, 07:07 PM
ماهو عارف قـدمـو المفارق

ماهو عارف قـدمـو المفارق
يــامـَحــط آمــــالــى الـســـــــلام

ويـْحَ قـلبى المـاإنـْفـكّ خافـق
فـارق أم درمـان بـاكـى شــافـق
يـا أم قـبـائل مـافـيـك منافـق
سَـقى أرضِــك صــوب الـغـمــام

يـاجـمـيــل يانـور الـشـقــايق
أمـلأ كـاسَـــــك وأصـبـر دقـايق
مجلسَـك مفهـوم شوفو رايق
عِـقـدو ناقص زول والـلاّ تـام ؟

فى سَموم الصيف لاح لـُو بارق
لــم يـَـزل يـرتـاد الـمَـشـارق
كان مع الأحباب نجمو شــــارق
مـالـُـو والأفـلاك فـى ظـــلام

من علايل أب روف للمَـزالـق
مـن فـِتـِـيـح لـلخـور لـلمغـالـق
قـدْلــه يامـولاى حـافى حـالـِق
بـالطـريــق الـشـاقــِّى الـتـُّـرام

الحـبــايب لـفـتـــو الخـلايــــق
بـيـنى بـيـنهم قـطعـو العـلائـق
كان دلال كان تـيـه كـلـو لايـق
نـحـن مـالـيـنـــــا الخـصـــــام

يـادهــــر أهـــوالـَك تـســـارق
فـيـهــا كــم شــــابـت مـَفــارق
ماعـلـيـنـا الفـات كـلـو فــارق
رُقـنـــا والــلاّ نـعـيـد الـمـَـــلام

يـابـريـد الجـو فــوقى حـالــق
مِـيل عـلى الـروح ليهـا خـالـق
عـُدتَ سالم قـول وإنت عالـق
مـقـرن الـنـيـلـيـن كـيـلـو كام ؟

فى يمين الـنـيـل حـيث سابـق
كـنـا فـوق أعــراف الســوابـق
فى الضريح الفاح طِيبو عابق
الـســلام يـالـمـهـــدى الأمــــام

من حُطامك أنا غصنى وارق
فـيِّى شـــن أبـقـيـت لـلطـــوارق
غير قليبـاً فى همومو غـارق
ولــســـانـاً يــَــرُد الـكــــــــــلام

يـابـــلادى كــم فـيـكِ حــاذق
غـيـــــر إلـهــِـــك مــافــى رازق
مِن شـعـارو دخـول المـآزق
يـتـفــانى وشـــرفـِــك تـمـــــــام

مـسـرح الـغــزلان فـى الحـدائق
والشوارع الـغـُـر والمضايق
قول لى كيف أمسيت دُمتَ رايق
دام بهـاك مـشـمُـول بالنظام

مجـلـس الـلـذات فى الـنـمــارق
والتـرف لازال وصفو خـارق
ضارى حِسَّـك فـاح جانا مـارق
والـلاّ قاطعـو الريح ماهو لام

أيـن مـنى الـودّعـتــــو شـاهـق
بـاكـى نـاهـِــد لـسَّـع مُـراهـق
عـيـنى مابـتـشـوف إلا شـاهـق
أيـن وجـــه الـبــدر الـتـمـــام

أين منى الفى زهْـوُه بـاســق
فـى شـبـابـو نـقى مـن مفـاسـق
بين ثـيابـو البـِيـض المناسق
حــولـك أشـبــه رتــل الحـَمــام

مايئسْـنا الخير عـُودو سايق
الحى يـعـود إن أتى دونـو عائق
إلى يــوم الـلـِّقـا وإنت رائـق
الـســـلام يـاوطـنــى الـســـــلام

مصعب حسين
02-27-2010, 07:14 PM
صلاح عبد السيد (ابوصلاح)

يا رشا يا كحيل

يا رشا يا كحيل غيثني

الهـــــــــــوي ســـــــــباني

يا الامرضني وماطباني

في خديدك يلوح نور رباني

نيران اشواقك لاهباني

واسهام الحاظك ناشبانـــــــي

ومن ضمن الحاله التاعباني

مهضوم كشحك وصدرك باني

يتمادي يميل خصرك فريع باني

من شفت الحسن الفتاني

قلبي ترحل ووجدي اتاني

ومال جيش حبك عتاني

بسهامة الما بتختاني

ومال صدركلحشاك تاني

وكتفك مال به فريع بستاني

يتكل في دروعه يبوس تاني

لو للشعر قصيدو مساني

ما بجيد وصفك غير لساني

في فؤادي الحب مساني

واصبح بي هواك وما ساني

مايصح منك تنساني

لوغاب شخصك عن انساني

غير شك اوصاف حسنك مؤانساني

هبتلي روائح داهشاني

يانسيم عقب عود علشاني

قول ليه غرامك اغشاني

وادركني الدمع الرشاني

الجمال شانك والحب شاني

يا نسيم روح بلغ واغشاني

بي حق من انشاك وانشاني

ليه يا ملاك حسنه سباني

ليك نوره وليك نار سارجاني

طرفي اللمحك هو الجاني

في بحور اشواقك زجاني

فيك خاطر بي ونجاني

اعلم اقبل سعدي وجاني

لو في الاحلام طيفك نجاني

مصعب حسين
02-27-2010, 07:24 PM
بدور القلعه

العيون النوركن بجهرا
غير جمالكن مين السهرا
يا بدور القلعة وجوهرا
السيوف الحاظك تشهرا
علي الفؤاد من بدري انهرا
اخفي ريدي مرة واجهرا
نار غرامك ربك يقهرا
عالي صدرك لي خصرك ضرا
فيهو جوز رمان جل البرا
الخطيبة وردفك منبرا
الشعور البسطــل عنبرا
الصدير اعطافك فترا
والنهيد باع فينا واشتـرا
الوضيب اقدامك سترا
لقطيهو قلوبنا البعثرا
صيدة غيرك ايه الجسرا
تستلم افكارنا وتأسرا
حال محاسنك مين الفسرا
يا الثريا الفوق اهل الثرا
جارحة صالح كل ما يحضرا
وفي مدينة الجوف ساكن الضرا
الرشيم والرشمة الخضرا
زي فريع في موية منضرا
هل حبيبي نسي ام لي طرا
يا ام شلوخا عشرة مسطرة
النسايم بالند عطرا
ده الدفق لي دموعي ومطرا
حفلة يا ابو الحاج اتذكرا
ورنة الصفارة اتفكرا
وهبة بي مزيكتو اتحكرا
كم طرب افكارنا وسكرا
البدور النارت مسفرا
قاصدة تشتري قلوبنا تسفرا
عبد الرحمن دمت بتظفرا
بي نعيم وحظوظ متوفرا

مصعب حسين
02-27-2010, 07:31 PM
لحظك الجراح


أذاي فيه ، وفيه الطرب والراح
مناي يا زهرة الأفراح

للقلوب شرّاح
مبتعد شيء عجيب ،
مسجون وعندو سَرَاح
بيّ ضاق الكون ،
لا أجدلو بَرَاح
منّي فارق ، وشال
نوم عيوني ورَاح

عمري أضحى مُبَاح
وفي الغرام لا أقصد
غير لقاك أرباح
سِرِّي ليك يُبـاح
مع الظلام تتبسم
وليلي يبقى صباح

جيش غرامك زَاح
هَـدَّ حِصـن المُهجة ،
ولي دِمَاي نَزَّاح
وعقلي كـاد ينزاح
وقُلّي هجرك جَـدْ
يا جافي ولاّ مِـزاح

ليك مُحَي وضَّـاح
وليك جبين بي نور
ماء الحياءْ نَضّـاح
والدمع فضَّـاح
وبي سِـرْ هواي البَيْ
تعلمبو دون إيضَاح

تِعبَت الأصْـفَاح
وطرفي جافى النوم
من طِيب عبيرو الفاح
من جفونو صِفَـاح
في مِبيسمو عقد الدُر ،
في صدرو جوز تفاح